《梨渦‧愛笑》

出自香港新聞網 - 樹仁新傳系學生實習習作

陳志雲，一位出鏡率奇高的無綫總經理。平日出鏡時，他例必穿上一套整齊的西裝，結上一個別緻的煲呔，又架上一副小小的金絲眼鏡。而每次拍攝前，他亦不忘拿出隨身鏡照一照，再叫化妝補一補粉，又要髮型師幫他弄一弄髮型。陳志雲亦大方承認：「我知你實係話我貪靚，不過唔緊要，我係！」然後送上他那招牌式的溫暖笑聲，和一對可愛的梨渦。

這位高層，對外貌都抱有一絲不苟的態度。那麼，內在的他，又會否得過且過？

無綫總經理 自從無綫高層人事變動後，六嬸方逸華的愛將陳志雲，頓時變成晉身董事局的大熱人選。坊間更盛傳，他願意以不收酬金的義工形式，做《向世界出發》的旁白，又為無綫收費台做《志雲飯局》，都只為了討方逸華的歡心。陳志雲附上招牌式的哈哈大笑答：「做主持我係新丁，為興趣啫！方小姐唔知我做《志雲飯局》，咁小事佢冇理。咪害我，講多兩講份工都冇埋，何況入咗董事局冇得同記者傾偈，咪搞我。」

他雖有這種招牌式的溫暖笑聲，和一對可愛的梨渦。但畢竟，他站在這個位高權重的地方，便要實施他的管治方針，而且自他上任後的大刀裁員政策，難免為他外表裝上一層權威，亦同時引起不少員工的不滿。

他不但沒有否認的意思，更極速承認了此事。「我都知，TVB員工網頁中，有人話我係韋公公。」但他笑了笑，豁達的說：「由得人叫我韋公公啦，唔想追究，我識得自嘲，唔係忍，而係恕，百忍不如一恕。忍，好辛苦；恕係主動，係積極。以前喺政府做助理銓敘司，上司嗰秘書散播我嘅壞話，我心諗，如果係佢錯，無理由要因為其他人錯而罰我自己嬲啫。年少氣盛已經睇得咁通，現在更唔會絆倒我。」

志雲飯局主持

陳志雲就好像有著「一笑解千愁」的能力。「開心嘅感染力好大！感染身邊嘅人都開心，好嘅人際關係，就係咁展開。」難怪有不少名人嘉賓，例如曾蔭權、黎智英、曾志偉等都賞面出席《志雲飯局》。

陳志雲亦慷慨的分享《志雲飯局》的成功。「我覺得無論同誰溝通，最無敵嘅，就係一個『真』字。而且我係一個好好嘅聆聽者，無論對以前嘅聽眾，或者朋友，又或者飯局入面啲嘉賓，都係一樣。」

韋家晴

雖然陳志雲於飯局內面對的嘉賓如芸，但他還想訪問誰呢？「韋家晴。」這三個字竟爭先跑了出來。

韋家晴仍陳志雲以往在香港電台主持節日的藝名。難道他要玩精神分裂嗎？「對我嚟講，陳志雲同韋家晴係兩個人。平日既我係管理層，要好理智，唔可以亂咁發脾氣，但係入直播室嘅我，就可以完全拋低公事，做個表演者或者藝術家，可以感性咁將所見所聞透過說話講出嚟，亦都可以令觀眾自己幻想。」

理性的陳志雲訪問感性的韋家晴時，又會問甚麼問題呢？「我會問韋家晴，你心儀嘅女性係點？又有冇女仔追過你呀？」隨後又附上一大串招牌式的哈哈笑聲。

後記： 陳志雲現時全賴青菜、生果、豆腐，以及麥皮，這些健康食品保持超fit身型，連一個中年男人該有的肚腩都不見蹤影。但他竟無懼的拿出一張磅數高達二百二十磅的陳志雲照片給我看，還打趣說：「你睇吓我幾可愛。自己讚自己可愛，頂唔頂得我順？」然後又是不絕的招牌笑聲。

Stephen，其實你的笑聲，最可愛。