請各位先登陸 (studentID,Moodle 密碼登陸),後編輯
請各位使用左方之工具列上的上載文件連結上載習作相關的相片

呢篇係用口語寫既!

出自香港新聞網 - 樹仁新傳系學生實習習作

跳轉到: 導航, 搜尋

呢篇係用口語寫既!--075158 2007年11月21日 (三) 03:43 (UTC)



香港人十個有八個唔係睇金庸,就係睇衛斯理、亦舒大。到底衛斯理有乜咁巴閉可以寫到咁多科幻小說呢?又點解衛斯理以前寫既野有o的以前覺得無可能但而家又實現到呢?唔通佢真係可以預知未來?而劉天賜成日好惡咁鬧陶傑,佢地私底下又係點既呢?


香港樹仁大學係二零零七年十一月二十號下晝請左倪匡先生同劉天賜先生黎為全校先生學生答問題,做呢個《同學答問大會》。


兩個鐘頭入面同學都好勇躍問問題,其中有同學問到兩位點睇而家有新進作家用口語黎寫小說,倪匡先生就話佢覺得無所謂,因為寫作唔使有限制,用廣東話口語寫可能有時更加到肉!劉天賜先生更加話原來梁天偉教授係壹週刊第一期既社論就係用廣東話口語寫,而且壹週刊之後好好賣,令到o的人開始多左用口語寫野同社會接受性大左。但而家試過先知原來香港人「我手寫我口」都有難度!因為由細到大學校先生教一定要寫書面語,個o的「喂、哦、係咪呀?唔該晒呀!」全部唔可以係作文寫,所以用口語寫作文交功課又真係第一次!真係唔寫唔知原來都幾鬼難!


之外,同學亦都有問到倪劉兩位點睇「色情」,倪先生話:「無色情又點會有後代?」呢句令同學拍爛手掌!的確,人生落黎最重要既責任之一係傳宗接代,如果無色情又點可以有後代呢?而且劉先生都提出係印度個度既人好崇拜陽具、覺得係崇拜生殖能力同認為生仔係好重要同好光榮既事,所以而家既人唔應該成日覺得「色情」就係唔好既野,諗深一層,如果無「色情」可能我地而家有部份人都唔存在啦!


總之,今日既問答大會好鬼熱鬧同精彩!大家都過左好鬼開心既兩個鐘頭,但用口語黎寫作文,真係難到下次唔使預我!

倪康???冇可能搞錯演講嘉賓的名字,倪康應是倪匡,反映太大意?既然知道倪匡是衛斯理,沒理由不知道倪匡的寫法。做記者資料要準確,搞錯別人名字是大忌。宋留言。

多謝宋教授提點,已改正錯字--075158 2007年12月4日 (二) 03:34 (UTC)

個人工具