請各位先登陸 (studentID,Moodle 密碼登陸),後編輯
請各位使用左方之工具列上的上載文件連結上載習作相關的相片

寒山碧長毛上身 高呼:絕對權力導致絕對腐敗!

出自香港新聞網 - 樹仁新傳系學生實習習作

跳轉到: 導航, 搜尋

(我就認為你在嘗試,看到最後果然!唔錯噃,除了第二段第二行漏了個「十」字之外,寫得很活 。結尾更妙。) [本網記者黃岸東5月4日訊]今日係五四運動九十一周年,寫書評過毛澤東同鄧小平,依家做緊藝發局文學組委員會主席嘅寒山碧今日去咗樹仁新聞及傳播學系周會,用藝發局嚟同班學生講下「德先生」,仲係咁同學生話,絕對權力導致絕對腐敗。

佢話,以前藝發局嘅權力集中,簡直可以講係「主席獨裁」,主席鍾意分啲錢比邊個就邊個,問都唔使問,所以第一二屆藝發局主席批錢淨係批比自己友,老婆仔話想「體驗生活」喎,咪批幾廿萬比佢出下埠旅遊下囉。WOW!真係和味過和味龍!仲有,嗰陣藝發局啲組別主席又要落手落腳做嘢,又要監督藝發局有冇以權謀私,十足沙士嗰陣楊永強咁,自己人查自己人,唔怪得寒山碧長毛上身,係咁話絕對權力導致絕對腐敗!

好在,當時業界都唔妥呢個制度,一九九八年搞咗次改革,引進民主成份,唔同界別都可以選個代表入藝發局做自己個界別嘅委員,再競選做主席。藝發局十二年前就已經搞普選,香港人等咗N年嘅立法會同特首選舉幾時先可以好似藝發局咁搞普選?


[見今次淨係計bonus, 試下用口語同活潑d 既角度寫]

個人工具