請各位先登陸 (studentID,Moodle 密碼登陸),後編輯
請各位使用左方之工具列上的上載文件連結上載習作相關的相片

戴天:香港唔係「文化沙漠」

出自香港新聞網 - 樹仁新傳系學生實習習作

跳轉到: 導航, 搜尋

7+

[本網記者黃欣婷11月8日訊]香港經常被冠上「文化沙漠」的稱號,意指香港的文化氛圍瀰漫著濃濃的銅臭味,難以嗅到文化氣息;經濟發展、商業利益往往成為香港最軸心的城市性格,使文化在香港非但沒有發展,甚至出現後退現象。香港詩人、作家戴天今午出席仁大講座表示,「香港其實唔係文化沙漠嚟㗎。」他反駁香港被標籤為「文化沙漠」的負面定型。

香港就係香港

對於香港被冠上「文化沙漠」以及「文化沙漠中的綠洲」等不同的標籤,戴天表示,「香港唔係文化沙漠嚟㗎,香港亦都唔係某啲作家所講嘅『香港係文化沙漠中嘅綠洲』。」他認為「香港就係香港」,並指出香港有貧瘠和富裕的地方,也有其思想很深厚和思想很淺薄的地方。他續說,「香港係一個人生活嘅地方,有人生活嘅地方就有各種生活同文化,就一定唔會係沙漠。所以,我可以話,活生生嘅生命喺香港,我哋成個有血有肉嘅人行喺香港土地上面,點會係沙漠?嗰啲行喺土地上面嘅人,係有血有肉㗎,係會呼吸㗎,係會說話㗎,而且有陣時仲會抗議。你話佢係沙漠咩?沙漠係死寂㗎,死寂係沙漠嘅象徵,點會有咁多聲音?」

只要港人願發聲,香港不會是「文化沙漠」

戴天又指出,社會上一直有人批評香港是「文化沙漠」,更有人提出香港文學應該仿效其他地方的文壇;他認為不需理會這些意見。他稱,「特別係某些人認為香港文學應該似邊個似邊個,你似我就唔係『文化沙漠』啦;你如果唔似我呢,哎呀,你落伍啦,你唔夠水準啦。咁呢種咁嘅評判標準呢,我哋費事睬佢。」而且,他認為只要還有香港人存在,他們仍然願意發聲,其聲音便會有回應、有作用、有「風雲變化」,香港就不會是「文化沙漠」。

小心珍惜不是「文化沙漠」

雖然他認為香港並非「文化沙漠」,但他補充,「香港要好小心去珍惜呢一種唔係『文化沙漠』。我唔應該畀人覺得我係『文化沙漠』,你應該企出嚟話畀人聽,將你嘅聲音講畀人聽,咁樣呢香港嘅文化就會愈嚟愈豐富。」所以,他提醒香港人需要小心珍惜現有的人文環境,勇於發聲表達香港並非「文化沙漠」,香港文化才能有效發展。--165136 2016年11月8日 (二) 18:17 (CST)

個人工具